Шавкат Мирзиёев футбол бўйича Японияга қарши U-23 финалини эслаб, жамоа пенальтидан унумли фойдалана олмай, мағлуб бўлгач, 3 кун ухламай чиққанини айтди. «Унинг ўрнида ўзим бўлсам дедим. Биттагина тўп-а!» деган президент жамоанинг Олимпия ўйинларига йўлланма олганини катта ютуқ деб атади.
Ўзбекистонда энг қадимги ўтмишдан то яқин тарихгача бўлган даврни ўз ичига олган «Тирик тарих» туркум фильмлари яратилади. «Агар тарихимизни дунёга тараннум этмоқчи бўлсак, халқимизнинг миллий ғурурини кўтармоқчи бўлсак, буни биринчи навбатда кино ёрдамида амалга оширишимиз керак», — деди президент.
Президент Coca Cola компанияси раиси ва бош директори Жеймс Куинсини қабул қилди. Инвестициялар ҳажмини кенгайтириш, маҳсулот турларини кўпайтириш ва кадрлар тайёрлаш масалалари муҳокама қилинди. Чоршанба куни компания мамлакатдаги тўртинчи заводини очди. Бешинчиси келаси йили очилиши кутилмоқда.
2023 йилда Ўзбекистонда 3 млрд долларга яқин Россия сармояси ўзлаштирилди, 2024 йилда буни 5 млрд долларга етказиш кутилмоқда. «Вазифани бемалол бажарса бўлади… Лойиҳаларни ўз вақтида ва самарали амалга оширишда ностандарт ёндашувни таъминлаш топшириғи берилди», — деди ИССВ раҳбари Лазиз Кудратов.
Шавкат Мирзиёев Ўзбекистоннинг икки вилоятида чарм кластерларини ташкил этиш, зотли чорва молларини сотиб олиш учун имтиёзли кредитлар ажратиш, пилланинг харид нархини ошириш ва чарм саноати ҳамда ипакчиликни қўллаб-қувватлаш бўйича бошқа чора-тадбирларни маълум қилди.
Иссиқхона хўжаликлари самарадорлигини ошириш учун уларга маълум мутахассисларни ёллаш билан боғлиқ харажатларнинг 50 фоизини ва кўмир қозони сотиб олиш харажатларининг 20 фоизигача қисмини қоплаш таклиф этилмоқда.
Ўзбекистон президенти Москвада Иккинчи жаҳон урушида қозонилган ғалабанинг 79 йиллигига бағишланган тантанали тадбирларда иштирок этди. Давлат раҳбари Владимир Путин ва бошқа давлатлар етакчилари билан бирга Александр боғидаги «Номаълум аскар» ёдгорлигига гулчамбар қўйди. Фото.
Ўзбекистон ва Россия президентлари ҳамкорлик, жумладан, савдо-иқтисодий соҳаларни муҳокама қилди. «Ўзбекистондан ўтган йилгидек мева-сабзавот кутяпмиз. Бу сиз учун ҳам, биз учун ҳам яхши», — деди Путин. «Бизда Россия бозорини қишлоқ хўжалиги маҳсулотлари билан тўлдириш имкони бор», — деди Мирзиёев.
Ўзбекистон президенти ЕОИИнинг юбилей саммитида иштирок этиб, Ўзбекистон амалий ҳамкорликни кенгайтиришдан манфаатдор эканини таъкидлади. У агросаноат, «яшил» технологиялар, меҳнат мигрантлари учун шароитлар яратиш ва туризм йўналишларида ҳамкорликни кенгайтириш зарурлигини қайд этди.
Ўзбекистон президенти амалий ташриф билан Москва шаҳрига етиб борди. Уни Внуково халқаро аэропортида Россия ҳукумати раиси ўринбосари Денис Мантуров ва бошқа расмийлар кутиб олди.
Президент ҳарбий клиник госпиталга ташрифи чоғида Сирдарё ҳокимига ўша ерда даволанаётган уруш қатнашчиларидан бирига уй ажратиш бўйича топшириқ берди. Яна бир уруш фахрийси эса Шавкат Мирзиёевни умрбод президент қилиб қўйишни таклиф этди. Президент бунга жавобан кулиб қўйди.
Шавкат Мирзиёев Ғалаба боғига ташрифидан сўнг Мудофаа вазирлигининг Марказий ҳарбий клиник госпиталига бориб, уруш қатнашчилари ҳолидан хабар олди.
Венгрия, Эрон, Чехия, Ўмон ва Жазоир элчилари Ўзбекистон президентига ишонч ёрлиқларини топширди. «Ўзбекистон жаҳонга кенг очилаётган, хорижий шериклари билан алоқаларни изчил ривожлантириб бораётган тинчликсевар ва адолатли ижтимоий давлат», — деди Шавкат Мирзиёев.
Шавкат Мирзиёев Москвада Ғалабанинг 79 йиллигига бағишланган параднинг фахрий меҳмонлари қаторида бўлади, дея хабар берди Кремль. Парадда Беларусь, Қозоғистон, Қирғизистон, Тожикистон, Туркманистон, Куба, Лаос ва Гвинея-Бисау давлатлари раҳбарлари ҳам иштирок этади.
Шавкат Мирзиёев Хорижий инвесторлар кенгаши доирасида капитал бозорини ривожлантириш, масъулиятли бизнес юритиш, муқобил инвестицияларни рағбатлантириш ва инвесторлар билан ишлашни рақамлаштириш бўйича ишчи гуруҳларни ташкил этишни таклиф қилди.
Шавкат Мирзиёев футбол бўйича Ўзбекистон ёшлар терма жамоасини Қатарда ўтган Осиё кубоги финалига чиққани ва 2024 йилги ёзги Олимпия ўйинларига йўлланмани қўлга киритгани билан табриклади. «Бу эл-юртимизнинг неча йиллик буюк орзуси эди», — деди у.
Бир ҳафта давом этган меҳнат таътилидан сўнг Шавкат Мирзиёев иш фаолиятига қайтди. У бугун ўз маслаҳатчилари, қатор вазирлик ва идоралар раҳбарларининг ҳисоботларини тинглайди, ҳафта давомида эса Тошкент халқаро инвестиция форумида қатнашади.
Ўзбекистон президенти бош вазир бошчилигидаги мувофиқлаштирувчи кенгашга уч ой муддатда вазирлик ва идораларни Янги Тошкентга кўчириш бўйича таклиф киритишни топширди.
Шавкат Мирзиёев 22 апрелдан қисқа муддатли таътилга чиқди. Олдинги сафар у 2023 йилнинг декабрида таътилга чиққанди.
Шавкат Мирзиёев ва Эмомали Раҳмон Ўзбекистоннинг Душанбе шаҳридаги янги қурилган ваколатхонаси очилиш маросимида қатнашди. Президентлар элчихона биносида дипломатлар учун яратилган шароитлар билан танишиб, фахрий меҳмонлар китобига тилакларини ёзиб қолдирди.
Қўшимча имкониятларга эга булиш учун сайтда рўйхатдан ўтинг